ورحمه الله وبركاتهقمت مؤخر بالسماح للويندوز بعمل ابديت بعد ماكنت معطل الابديت لانى مشترك فى باقه انترنت من شركات المحمول وبادفع مقابل كل جيجا تحميل مقابل مادى , فكنت قافل الابديت للبرامج والويندوز .
لما دخلت انترنت على التليفون الارضى قررت احدث الويندوز وبعد اعاده التشغيل واجهتنى مشكله الشاشه السوداء .
وهى ان النظام يعمل بشكل طبيعى لحد مانوصل للدخول لسطح المكتب يعرض شاشه سوداء بدلا من سطح المكتب وتفشل كل محاولات فتح التاسك منجر .
اسباب المشكله كتيره جدا ممكن تكون بسبب فيرس او غالبا بسبب تحديثات الويندوز .
اما الحلول فهى كثيره جدا وممكن حل ينفع مع شخص وماينفعش مع شخص تانى .
انا هاقولكم على حل اكيد 100% عن تجربه بعد فشل كل الحلول الموجوده على النت ولعدم الاطاله على حضراتكم مش هاكتب الحلول الاخرى للمشكله لانها موجوده على الانترنت ونفعت لبعض الناس وفشلت كلها معايا .
هاتدخل على السيف مود وهاتختار الخيار الالث اللى هوسيف مود مع تشغيل الانترنت
وهاتدخل تثبت برنامج advanced system care بعد تحميله من الانترنت
ملحوظه
الانترنت بيكون شغال عادى مافيهوش مشاكل
بعدها هاتفتح ملف نوت وتكتب جواه الامره مسار برنامج الاكسبلولر
C:\Windows\explorer
بعدها احفظ النوت بامتداد bat بدلا من text
يعنى هانسمى الملف مثلا explorer.bat واحفظه فى اى بارتشن زى مانت عايز
انت كده عملت باتش لتشغيل الاكسبلولر
طبعا الصوره دى بعدما ماحليت المشكله بصوره مؤقته اما عندك هاتكون الخلفيه سوداء لانك شغال على السيف مود
ندخل للمعمه
هاتعمل ريستارت وتدخل على الويندوز اللى طبعا مش هايفتح معاك وهاتكون الصور زى دى
هاتمشى مع الخطوات دى واحده واحده وهاتتحل المشكله بنسبه 100% باذن الله
هاتضغطعلى علامه + اللى فى برنامج advanced system care
بعدها هاتضغط على scan
هاتوقف الفحص لانه مش مهم احنا بنحاول نفتح التاسك منجر اللى فى البرنامج وهاتلاقيه فى قائمه tools
اخر خيار ناحيه اليمين هاتلاقينى محدده
هايفتح التاس منجر هانختار new task
ومنه هانختار استعراض browse
هايفتح معاك المستعرض هاتختار مكان الباتش اللى عملته وتضغط عليه رايت كليك وتختار تشغيل بصلاحيات الادمن
والف مبروك تم تشغيل الجهاز بشكل طبيعى لكن يتبقى مشكله
ان لما الويندوز يتقفل وتفتحه هاتظهر تفتح ملف الباتش مره تانيه بنفس الطريقه ,وللاسف انا لسه مش لاقى حل نهائى للمشكله دى لكن حبيت اشارك معكم الطريقه المضمونه دى لتشغيل الجهاز بشكل طبيعى مشكلتها الوحيده انك مضطر تكررها كل مره تفتح فيها الجهاز بس بالنسبالى الحمد لله انى عرفت افتح الجهاز واشغل الصوت بشكل طبيعى .
ولحد مالاقى حل نهائى للمشكله دى فده افضل حل نفع معايا بعد تجريب كل الحلول اللى وجدتها على الانترنت وفشلت للاسف .
مسموح بنقل الشرح ده دون ذكر المصدر او عمل كتاب بمضمون الحل ده او فديو ومشاركته دون اخذ اذن منى وذلك لنشر العلم ومساعده الناس فى حل هذه المشكله .
جزاكم الله كل خير
حل جديد لمشكله الشاشه السوداء
ليست هناك تعليقات:
إرسال تعليق